ਫਰੀਦਕੋਟ 15 ਨਵੰਬਰ : 60 ਵੀਂ ਪੰਜਾਬ ਰਾਜ ਸ਼ੂਟਿੰਗ ਚੈਂਪੀਅਨਸ਼ਿਪ 2025 ਮੋਹਾਲੀ ਵਿਖੇ ਆਯੋਜਿਤ ਕੀਤੀ ਗਈ। ਇਹ ਜਾਣਕਾਰੀ ਜ਼ਿਲ੍ਹਾ ਖੇਡ ਅਫਸਰ ਸ. ਬਲਜਿੰਦਰ ਸਿੰਘ ਨੇ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਇਸ ਚੈਂਪੀਅਨਸ਼ਿਪ ਵਿਚ ਖਿਡਾਰੀਆਂ ਨੇ ਕੁੱਲ 34 ਮੈਡਲ ਜਿੱਤੇ ਹਨ। ਇਸ ਵਿਚ ਅਰਜੁਨਬੀਰ ਸਿੰਘ ਬਰਾੜ ਨੇ 50 ਮੀਟਰ ਰਾਈਫਲ ਈਵੈਂਟ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ, ਅਰਸ਼ਦੀਪ ਸਿੰਘ ਨੇ ਵੀ 50 ਮੀਟਰ ਰਾਈਫਲ ਈਵੈਂਟ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ, ਅਵਨੀਤ ਕੌਰ ਸੰਧੂ ਨੇ ਜੂਨੀਅਰ ਅਤੇ ਸੀਨੀਅਰ ਸ਼੍ਰੇਣੀ ਵਿੱਚ 50 ਮੀਟਰ ਈਵੈਂਟ ਵਿੱਚ 2 ਕਾਂਸੀ ਦੇ ਤਗਮੇ ਜਿੱਤੇ।
ਪਰਵਾਜ ਸੰਧੂ ਨੇ 11 ਤਗਮੇ ਜਿੱਤੇ ਜਿਨ੍ਹਾਂ ਵਿੱਚੋਂ 25 ਮੀਟਰ ਸਪੋਰਟਸ ਯੂਥ ਵਿੱਚ ਸੋਨ ਤਗ਼ਮਾ,ਜੂਨੀਅਰ ਵਰਗ ਵਿੱਚ ਚਾਂਦੀ ਅਤੇ ਸੀਨੀਅਰ ਵਰਗ ਵਿੱਚ ਕਾਂਸੀ, 25 ਮੀਟਰ ਸਟੈਂਡਰਡ ਪਿਸਟਲ ਈਵੈਂਟ ਦੇ ਜੂਨੀਅਰ ਵਰਗ ਵਿੱਚ ਚਾਂਦੀ, 25 ਮੀਟਰ ਸੈਂਟਰ ਫਾਇਰ ਸੋਨ ਤਗਮਾ, 50 ਮੀਟਰ ਪਿਸਟਲ ਵਿੱਚ 4 ਤਗ਼ਮੇ ਜਿੱਤੇ ਜਿਨ੍ਹਾਂ ਵਿੱਚ 2 ਸੀਨੀਅਰ ਗੋਲ਼ਡ,1 ਜੂਨੀਅਰ ਗੋਲ਼ਡ ਅਤੇ 1 ਜੂਨੀਅਰ ਚਾਂਦੀ ਦੇ ਹਨ ਅਤੇ ਯੂਥ ਐਨ ਸੀਨੀਅਰ ਵਰਗ ਵਿੱਚ 10 ਮੀਟਰ ਏਅਰ ਪਿਸਟਲ 2 ਕਾਂਸੀ ਦੇ ਹਨ।
ਅਰਮਾਨਦੀਪ ਸਿੰਘ ਸੰਧੂ ਨੇ 3 ਤਗਮੇ ਜਿੱਤੇ ਜਿਨ੍ਹਾਂ ਵਿੱਚੋਂ 25 ਮੀਟਰ ਸਪੋਰਟਸ ਪਿਸਟਲ ਵਿੱਚ ਸੋਨਾ, 25 ਮੀਟਰ ਸਪੋਰਟਸ ਪਿਸਟਲ ਵਿੱਚ 10 ਮੀਟਰ 2 ਯੂਥ ਐਨ ਸੀਨੀਅਰ ਵਿੱਚ ਕਾਂਸੀ ਦੇ ਤਗਮੇ ਜਿੱਤੇ। ਵੰਸ਼ਦੀਪ ਸਿੰਘ ਭੁੱਲਰ ਨੇ 10 ਤਗਮੇ ਜਿੱਤੇ ਜਿਨ੍ਹਾਂ ਵਿੱਚ 25 ਮੀਟਰ ਸਪੋਰਟਸ ਪਿਸਟਲ ਵਿੱਚ ਯੂਥ ਵਿੱਚ ਸੋਨਾ, ਸਿਲਵਰ ਜੂਨੀਅਰ ਅਤੇ ਸੀਨੀਅਰ ਸ਼੍ਰੇਣੀ ਵਿੱਚ ਕਾਂਸੀ, 25 ਮੀਟਰ ਸਟੈਂਡਰਡ ਪਿਸਟਲ ਈਵੈਂਟ ਵਿੱਚ ਜੂਨੀਅਰ ਸ਼੍ਰੇਣੀ ਵਿੱਚ ਚਾਂਦੀ, 25 ਮੀਟਰ ਸੈਂਟਰ ਫਾਇਰ ਸੀਨੀਅਰ ਵਿੱਚ ਸੋਨਾ, 50 ਮੀਟਰ ਪਿਸਟਲ ਜੂਨੀਅਰ ਸੀਨੀਅਰ ਵਿੱਚ 2 ਚਾਂਦੀ ਅਤੇ ਸੋਨਾ, 10 ਮੀਟਰ ਏਅਰ ਪਿਸਟਲ 2 ਯੂਥ ਐਨ ਸੀਨੀਅਰ ਵਿੱਚ ਕਾਂਸੀ ਦਾ ਤਗ਼ਮਾ ।
ਵਿਸਮਾਦਦੀਪ ਸਿੰਘ ਸਿੱਧੂ ਨੇ 5 ਤਗਮੇ – 25 ਮੀਟਰ ਸਟੈਂਡਰਡ ਜੂਨੀਅਰ ਪੁਰਸ਼ਾਂ ਵਿੱਚ ਚਾਂਦੀ, 25 ਮੀਟਰ ਸੈਂਟਰ ਫਾਇਰ ਵਿੱਚ ਸੋਨੇ ਦਾ ਤਗਮਾ, 50 ਮੀਟਰ ਪਿਸਟਲ ਵਿੱਚ ਸੋਨੇ ਦਾ ਤਗਮਾ, 50 ਮੀਟਰ ਜੂਨੀਅਰ ਚਾਂਦੀ, ਜੂਨੀਅਰ ਵਿੱਚ 25 ਮੀਟਰ ਚਾਂਦੀ ਦੇ ਤਗਮੇ ਪ੍ਰਾਪਤ ਕੀਤੇ। ਜੈਸਮੀਨ ਕੌਰ ਨੇ 25 ਮੀਟਰ ਸਪੋਰਟਸ ਪਿਸਟਲ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ।
ਜਾਣਕਾਰੀ ਦਿੰਦਿਆ ਜਿਲ੍ਹਾ ਖੇਡ ਅਫਸਰ ਨੇ ਦੱਸਿਆ ਕਿ ਇਹ ਸਾਰੇ ਤਗਮਾ ਜੇਤੂ ਫਰੀਦਕੋਟ ਸ਼ੂਟਿੰਗ ਰੇਂਜ, ਨਹਿਰੂ ਸਟੇਡੀਅਮ ਤੋਂ ਹਨ। ਉਨ੍ਹਾਂ ਕਿਹਾ ਕਿ ਸ਼ੂਟਿੰਗ ਕੋਚ ਸੁਖਰਾਜ ਕੌਰ ਵੀ ਇਸ ਚੈਪੀਅਨਸ਼ਿਪ ਲਈ ਵਧਾਈ ਦੇ ਪਾਤਰ ਹਨ, ਜਿਨ੍ਹਾ ਨੇ ਇਨ੍ਹਾਂ ਖਿਡਾਰੀਆਂ ਨੂੰ ਸਿਖਲਾਈ ਦਿੱਤੀ।
