ਸੂਬਾ ਪ੍ਰਧਾਨ ਜਤਿੰਦਰ ਪਾਲ ਮਲਹੋਤਰਾ ਨੇ ਸਾਰੇ ਅਹੁਦੇਦਾਰਾਂ ਦਾ ਐਲਾਨ ਕਰ ਦਿੱਤਾ। ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਪੂਰੀ ਟੀਮ ਨੂੰ ਅਹਿਮ ਜ਼ਿੰਮੇਵਾਰੀਆਂ ਦਿੱਤੀਆਂ ਗਈਆਂ। ਕਈ ਵਿੰਗਾਂ ਦੇ ਇੰਚਾਰਜ ਵੀ ਲਾਏ ਗਏ। ਭਾਰਤੀ ਜਨਤਾ ਪਾਰਟੀ ਚੰਡੀਗੜ੍ਹ ਦੇ ਸੂਬਾ ਪ੍ਰਧਾਨ ਜਤਿੰਦਰ ਪਾਲ ਮਲਹੋਤਰਾ ਨੇ ਕੇਂਦਰੀ ਲੀਡਰਸ਼ਿਪ ਦੀ ਸਹਿਮਤੀ ਨਾਲ ਚੰਡੀਗੜ੍ਹ ਭਾਜਪਾ ਦੇ ਸੂਬਾਈ ਅਧਿਕਾਰੀਆਂ ਦੀ ਨਵੀਂ ਟੀਮ ਦਾ ਐਲਾਨ ਕੀਤਾ। ਮੰਗਲਵਾਰ ਨੂੰ ਐਲਾਨੀ ਗਈ ਨਵੀਂ ਟੀਮ ਵਿੱਚ ਰਾਮਵੀਰ ਭੱਟੀ, ਦਵਿੰਦਰ ਸਿੰਘ ਬਬਲਾ, ਕੈਲਾਸ਼ ਚੰਦ ਜੈਨ, ਰਾਜ ਕਿਸ਼ੋਰ, ਸ਼ਕਤੀ ਪ੍ਰਕਾਸ਼ ਦੇਵਸ਼ਾਲੀ, ਸੁਨੀਤਾ ਧਵਨ, ਜਗਤਾਰ ਸਿੰਘ ਜੱਗਾ ਅਤੇ ਪੂਨਮ ਸ਼ਰਮਾ ਨੂੰ ਸੂਬਾ ਮੀਤ ਪ੍ਰਧਾਨ ਬਣਾਇਆ ਗਿਆ। ਹੁਕਮ ਚੰਦ ਅਤੇ ਅਮਿਤ ਜਿੰਦਲ ਨੂੰ ਸੂਬਾ ਜਨਰਲ ਸਕੱਤਰ ਕ੍ਰਿਸ਼ਨ ਕੁਮਾਰ, ਸੰਜੀਵ ਕੁਮਾਰ ਰਾਣਾ, ਸ਼ਸ਼ੀ ਸ਼ੰਕਰ ਤਿਵਾੜੀ, ਰੁਚੀ ਸ਼ੇਖੜੀ, ਰਮੇਸ਼ ਸਹੋਦ, ਗੌਰਵ ਗੋਇਲ ਅਤੇ ਸੁਭਾਸ਼ ਮੌਰਿਆ ਨੂੰ ਸਕੱਤਰ ਬਣਾਇਆ ਗਿਆ।
ਪ੍ਰਦੀਪ ਕੁਮਾਰ ਬਾਂਸਲ ਨੂੰ ਖਜ਼ਾਨਚੀ ਅਤੇ ਅਵੀ ਭਸੀਨ ਨੂੰ ਸਹਿ-ਖਜ਼ਾਨਚੀ ਦੀ ਜ਼ਿੰਮੇਵਾਰੀ ਦਿੱਤੀ ਗਈ। ਦੀਪਕ ਮਲਹੋਤਰਾ, ਮਨੀਸ਼ ਸ਼ਰਮਾ ਅਤੇ ਸੰਜੇ ਪੁਰੀ ਸੂਬਾ ਦਫ਼ਤਰ ਸਕੱਤਰ ਹੋਣਗੇ। ਧੀਰੇਂਦਰ ਤਾਇਲ, ਗੁਰਪ੍ਰੀਤ ਸਿੰਘ ਢਿੱਲੋਂ, ਨਰੇਸ਼ ਅਰੋੜਾ ਅਤੇ ਵਿਜੇ ਰਾਣਾ ਨੂੰ ਸੂਬਾਈ ਬੁਲਾਰੇ ਦੀ ਜ਼ਿੰਮੇਵਾਰੀ ਦਿੱਤੀ ਗਈ। ਇਸੇ ਤਰ੍ਹਾਂ ਮਹਿੰਦਰ ਨਿਰਾਲਾ ਨੂੰ ਸੋਸ਼ਲ ਮੀਡੀਆ ਸੈੱਲ ਦਾ ਕੋਆਰਡੀਨੇਟਰ ਅਤੇ ਰਾਜੀਵ ਕੁਮਾਰ ਨੂੰ ਆਈਟੀ ਸੈੱਲ ਦਾ ਕੋਆਰਡੀਨੇਟਰ ਬਣਾਇਆ ਗਿਆ। ਹੀਰਾ ਨੇਗੀ ਨੂੰ ਮਹਿਲਾ ਮੋਰਚਾ ਦਾ ਪ੍ਰਧਾਨ, ਮਹਿਕਵੀਰ ਸੰਧੂ ਨੂੰ ਯੁਵਾ ਮੋਰਚਾ ਦਾ ਅਤੇ ਜਾਵੇਦ ਅੰਸਾਰੀ ਨੂੰ ਘੱਟ ਗਿਣਤੀ ਮੋਰਚਾ ਦਾ ਪ੍ਰਧਾਨ ਬਣਾਇਆ ਗਿਆ।
