ਦੁਬਈ ਦੀ ਰਾਜਕੁਮਾਰੀ ਸ਼ੇਖਾ ਮਾਹਰਾ ਮੁਹੰਮਦ ਰਾਸ਼ਿਦ ਅਲ ਮਕਤੂਮ (Sheikha Mahra) ਨੇ ਪਰਫਿਊਮ ਦੀ ਨਵੀਂ ਰੇਂਜ ਲਾਂਚ ਕੀਤੀ ਹੈ ਅਤੇ ਉਸ ਨੇ ਇਸ ਦਾ ਨਾਂ ‘DIVORCE’ ਰੱਖਿਆ ਹੈ। ਰਾਜਕੁਮਾਰੀ ਸ਼ੇਖਾ ਨੇ ਇਹ ਐਲਾਨ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਪੇਜ ‘ਤੇ ਕੀਤਾ ਹੈ।
ਰਾਜਕੁਮਾਰੀ ਨੇ ਇਸ ਸਾਲ ਜੁਲਾਈ ਵਿੱਚ ਇੱਕ ਇੰਸਟਾਗ੍ਰਾਮ ਪੋਸਟ (Instagram Post) ਵਿੱਚ ਆਪਣੇ ਪਤੀ ਨੂੰ ਤਲਾਕ ਦੇ ਦਿੱਤਾ ਸੀ। ਆਪਣੇ ਬ੍ਰਾਂਡ Mahra M1 ਦੇ ਤਹਿਤ ਲਾਂਚ ਕੀਤੇ ਗਏ, ਇਸ ਨਵੇਂ ਪਰਫਿਊਮ ਦਾ ਉਸਦੇ ਹਾਲ ਹੀ ਵਿੱਚ ਹੋਏ ਹਾਈ-ਪ੍ਰੋਫਾਈਲ (High-Profile) ਤਲਾਕ ਨਾਲ ਸਿੱਧਾ ਸਬੰਧ ਹੈ। ਇੱਕ ਸੋਸ਼ਲ ਮੀਡੀਆ ਪੋਸਟ (Social Media Post) ਵਿੱਚ 30 ਸਾਲਾ ਰਾਜਕੁਮਾਰੀ ਨੇ ਪਰਫਿਊਮ (Perfume) ਦਾ ਇੱਕ ਟੀਜ਼ਰ ਸਾਂਝਾ ਕੀਤਾ, ਜਿਸ ਵਿੱਚ ਕਾਲੀ ਬੋਤਲ ‘ਤੇ DIVORCE ਸ਼ਬਦ ਲਿਖਿਆ ਹੋਇਆ ਹੈ।
ਹਾਲਾਂਕਿ ਦੁਬਈ ਦੇ ਬਾਜ਼ਾਰ ‘ਚ ਪਰਫਿਊਮ ਦੀ ਕੀਮਤ ਦਾ ਅਜੇ ਤੱਕ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਸ਼ੇਖਾ ਮਾਹਰਾ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ, ਸੰਯੁਕਤ ਅਰਬ ਅਮੀਰਾਤ (UAE) ਦੇ ਉਪ ਰਾਸ਼ਟਰਪਤੀ ਤੇ ਦੁਬਈ ਦੇ ਸ਼ਾਸਕ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਦੀ ਧੀ ਹੈ, ਇੰਸਟਾਗ੍ਰਾਮ ‘ਤੇ ਉਸ ਦੇ ਕਰੀਬ 10 ਲੱਖ ਫਾਲੋਅਰਜ਼ ਹਨ।
