ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) (IPL) 2025 ਦੀ ਨਿਲਾਮੀ ਲਈ ਰਜਿਸਟਰ ਕਰਨ ਵਾਲੇ 1,574 ਖਿਡਾਰੀਆਂ ਦੀ ਲੰਮੀ ਸੂਚੀ ਵਿੱਚ, ਸਭ ਤੋਂ ਹੈਰਾਨੀਜਨਕ ਖਿਡਾਰੀਆਂ ਵਿੱਚੋਂ ਇੱਕ ਹੈ ਜੇਮਸ ਐਂਡਰਸਨ, (James Anderson) ਜਿਸ ਨੇ 42 ਸਾਲ ਦੀ ਉਮਰ ਵਿੱਚ ਇਸ ਨਿਲਾਮੀ (IPL ਨਿਲਾਮੀ 2025) ਵਿੱਚ ਰਜਿਸਟਰ ਕੀਤਾ ਹੈ।
ਦਰਅਸਲ ਜੁਲਾਈ ‘ਚ 704 ਟੈਸਟ ਵਿਕਟਾਂ ਲੈ ਕੇ ਅੰਤਰਰਾਸ਼ਟਰੀ ਕ੍ਰਿਕਟ (International Cricket) ਤੋਂ ਸੰਨਿਆਸ ਲੈਣ ਵਾਲੇ ਤਜਰਬੇਕਾਰ ਇੰਗਲਿਸ਼ ਤੇਜ਼ ਗੇਂਦਬਾਜ਼ (English Fast Bowler) ਨੇ 18ਵੇਂ ਸੀਜ਼ਨ ‘ਚ ਪਹਿਲੀ ਵਾਰ ਆਈਪੀਐੱਲ (IPL) ਦੀ ਨਿਲਾਮੀ ‘ਚ ਆਪਣਾ ਨਾਂ ਦਰਜ ਕਰਵਾਇਆ ਹੈ।
ਰਿਪੋਰਟਾਂ ਮੁਤਾਬਕ ਜੇਮਸ ਐਂਡਰਸਨ, (James Anderson) ਨੇ ਆਪਣੇ ਆਪ ਨੂੰ 1.25 ਕਰੋੜ ਰੁਪਏ ਦੀ ਬੇਸ ਕੀਮਤ ‘ਤੇ ਸੂਚੀਬੱਧ ਕੀਤਾ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਜੇਮਸ ਐਂਡਰਸਨ ਨੇ ਕਦੇ ਵੀ ਗਲੋਬਲ ਫਰੈਂਚਾਇਜ਼ੀ ਟੀ-20 ਲੀਗ (Global Franchise T-20 League) ‘ਚ ਹਿੱਸਾ ਨਹੀਂ ਲਿਆ ਹੈ ਅਤੇ ਉਨ੍ਹਾਂ ਦਾ ਆਖਰੀ ਟੀ-20 ਮੈਚ 2014 ‘ਚ ਲੰਕਾਸ਼ਾਇਰ ਲਈ ਸੀ। ਕੁਲ ਮਿਲਾ ਕੇ, ਜੇਮਸ ਐਂਡਰਸਨ, (James Anderson) ਨੇ ਸਿਰਫ 44 ਟੀ-20 ਮੈਚ ਖੇਡੇ ਹਨ, ਜਿਨ੍ਹਾਂ ਵਿਚੋਂ 19 ਇੰਗਲੈਂਡ ਟੀਮ ਲਈ ਹਨ, ਜਦਕਿ 41 ਵਿਕਟਾਂ ਲਈਆਂ ਹਨ।
ਇਸ ਦੌਰਾਨ, ਤੁਹਾਨੂੰ ਦੱਸ ਦੇਈਏ ਕਿ ਆਈਪੀਐਲ (IPL) ਨੇ ਇੱਕ ਨਿਯਮ ਵੀ ਪੇਸ਼ ਕੀਤਾ ਹੈ, ਜਿਸਦਾ ਮਤਲਬ ਹੈ ਕਿ ਫ੍ਰੈਂਚਾਇਜ਼ੀ (Franchise) ਦੁਆਰਾ ਹਸਤਾਖਰ ਕੀਤੇ ਵਿਦੇਸ਼ੀ ਖਿਡਾਰੀ ਜੋ ਬਾਅਦ ’ਚ ਬਾਹਰ ਹੋਣ ਦੀ ਚੋਣ ਕਰਦੇ ਹਨ,ਨੂੰ ਦੋ ਸਾਲ ਲਈ ਲੀਗ ਤੋਂ ਬੈਨ ਕਰ ਦਿੱਤਾ ਜਾਵੇਗਾ।
