ਪੈਰਿਸ ਓਲੰਪਿਕ ਖੇਡਾਂ 2024 ‘ਚ ਦੋ ਕਾਂਸੀ ਦੇ ਤਗਮੇ ਜਿੱਤ ਕੇ ਇਤਿਹਾਸ ਰਚਣ ਵਾਲੀ ਸਟਾਰ ਨਿਸ਼ਾਨੇਬਾਜ਼ ਮਨੂ ਭਾਕਰ ਐਤਵਾਰ ਨੂੰ ਇੱਥੇ ਓਲੰਪਿਕ ਸਮਾਪਤੀ ਸਮਾਰੋਹ ‘ਚ ਭਾਰਤ ਦੀ ਝੰਡਾਬਰਦਾਰ (India’s flag bearer) ਬਣਨ ਵਾਲੀ ਹੈ।
ਮਨੂ ਨੇ ਵਿਅਕਤੀਗਤ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ਵਿੱਚ ਕਾਂਸੀ ਦਾ ਤਗਮਾ ਜਿੱਤ ਕੇ ਮੌਜੂਦਾ ਖੇਡਾਂ ਵਿੱਚ ਭਾਰਤ ਦਾ ਤਮਗਾ ਖਾਤਾ ਖੋਲ੍ਹਿਆ ਅਤੇ ਓਲੰਪਿਕ ਤਮਗਾ ਜਿੱਤਣ ਵਾਲੀ ਦੇਸ਼ ਦੀ ਪਹਿਲੀ ਨਿਸ਼ਾਨੇਬਾਜ਼ ਬਣ ਗਈ।
ਉਸ ਨੇ ਫਿਰ ਸਰਬਜੋਤ ਸਿੰਘ ਨਾਲ ਮਿਲ ਕੇ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਕਾਂਸੀ ਦਾ ਤਗਮਾ ਜਿੱਤਿਆ।
ਆਈਓਏ (Indian Olympics Association) ਦੇ ਇੱਕ ਅਧਿਕਾਰੀ ਨੇ ਦੱਸਿਆ, “ਹਾਂ, ਮਨੂ ਨੂੰ ਝੰਡਾਬਰਦਾਰ ਵਜੋਂ ਚੁਣਿਆ ਗਿਆ ਹੈ। ਉਸਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ ਅਤੇ ਉਹ ਸਨਮਾਨ ਦੀ ਹੱਕਦਾਰ ਹੈ।”
ਹਰਿਆਣਾ ਦੇ 22 ਸਾਲਾ ਨਿਸ਼ਾਨੇਬਾਜ਼ ਨੇ ਪਹਿਲਾਂ ਕਿਹਾ ਸੀ ਕਿ ਭਾਰਤ ਦਾ ਝੰਡਾਬਰਦਾਰ ਬਣਨਾ ਮਾਣ ਵਾਲੀ ਗੱਲ ਹੋਵੇਗੀ।
ਮਨੂ ਨੇ ਕਿਹਾ, “ਦਲ ਵਿੱਚ ਬਹੁਤ ਸਾਰੇ ਅਜਿਹੇ ਹਨ ਜੋ ਜ਼ਿਆਦਾ ਹੱਕਦਾਰ ਹਨ ਪਰ ਇਹ ਇੱਕ ਅਸਲੀ ਸਨਮਾਨ ਹੋਵੇਗਾ, ਜੇਕਰ ਮੈਨੂੰ ਕਿਹਾ ਜਾਵੇ,”।
ਆਈਓਏ ਨੇ ਅਜੇ ਤੱਕ ਕਿਸੇ ਪੁਰਸ਼ ਝੰਡਾ ਧਾਰਕ ਦਾ ਨਾਮ ਨਹੀਂ ਲਿਆ ਹੈ ਪਰ ਆਉਣ ਵਾਲੇ ਦਿਨਾਂ ਵਿੱਚ ਇੱਕ ਦਾ ਐਲਾਨ ਕਰਨ ਦੀ ਸੰਭਾਵਨਾ ਹੈ।
ਮਨੂ ਦੇ ਦੋ ਤਗਮਿਆਂ ਤੋਂ ਇਲਾਵਾ, ਸਾਥੀ ਨਿਸ਼ਾਨੇਬਾਜ਼ ਸਵਪਨਿਲ ਕੁਸ਼ਾਲੇ ਨੇ ਪੁਰਸ਼ਾਂ ਦੀ 50 ਮੀਟਰ ਰਾਈਫਲ ਥ੍ਰੀ ਪੁਜ਼ੀਸ਼ਨਾਂ ਵਿੱਚ ਭਾਰਤ ਲਈ ਤੀਜਾ ਤਮਗਾ ਵੀ ਜਿੱਤਿਆ।
ਕੱਲ ਸੋਮਵਾਰ ਨੂੰ ਹੋਏ ਮੈੱਚ ਵਿੱਚ ਸ਼ਟਲਰ ਲਕਸ਼ਯ ਸੇਨ ਆਪਣੇ ਵਿਰੋਧੀ ਲੀ ਜ਼ੀ ਜੀਆ ਤੋਂ ਹਾਰ ਗਿਆ ਅਤੇ ਭਾਰਤ ਨੇ ਇਕ ਕਾਂਸੀ ਦਾ ਤਗਮਾ ਗੁਆ ਦਿੱਤਾ।
ਦੂਜੀ ਤਰਫ ਪੁਰਸ਼ ਹਾਕੀ ਟੀਮ ਵੀ ਸੈਮੀਫਾਈਨਲ ‘ਚ ਪਹੁੰਚ ਕੇ ਇਕ ਤਗਮੇ ਦੇ ਨੇੜੇ ਪਹੁੰਚ ਗਈ ਹੈ।
ਨਿਸ਼ਾ ਦਹੀਆ ਭਾਰਤ ਦੇ ਪਹਿਲਵਾਨਾਂ ਦੀ ਮੁਹਿੰਮ ਦੀ ਸ਼ੁਰੂਆਤ ਉਦੋਂ ਕਰੇਗੀ ਜਦੋਂ ਉਹ ਔਰਤਾਂ ਦੇ 68 ਕਿਲੋਗ੍ਰਾਮ ਈਵੈਂਟ ਵਿੱਚ ਮੈਟ ਲਵੇਗੀ। ਮੌਜੂਦਾ ਓਲੰਪਿਕ ਚੈਂਪੀਅਨ ਨੀਰਜ ਚੋਪੜਾ 6 ਅਗਸਤ ਨੂੰ (ਅੱਜ) ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗਾ।
