ਅਫ਼ਗਾਨਿਸਤਾਨ ਕ੍ਰਿਕਟ ਬੋਰਡ (ACB) ਅਤੇ BCCI ਨੇ ਭਾਰਤ ਅਤੇ ਅਫ਼ਗਾਨਿਸਤਾਨ ਵਿਚਕਾਰ 3 ਮੈਚਾਂ ਦੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ (T20I Series) ਦੀ ਪੁਸ਼ਟੀ ਕਰ ਦਿੱਤੀ ਹੈ। ਇਹ ਸੀਰੀਜ਼ 13 ਸਤੰਬਰ ਤੋਂ 17 ਸਤੰਬਰ 2026 ਤੱਕ ਦਿੱਲੀ ਦੇ ਅਰੁਣ ਜੇਤਲੀ ਕ੍ਰਿਕਟ ਸਟੇਡੀਅਮ (Arun Jaitley Cricket Stadium) ਵਿੱਚ ਖੇਡੀ ਜਾਵੇਗੀ। ਅਫ਼ਗਾਨਿਸਤਾਨ ਇਸ ਸੀਰੀਜ਼ ਦਾ ਅਧਿਕਾਰਤ ਮੇਜ਼ਬਾਨ ਹੋਵੇਗਾ, ਪਰ ਇਹ ਮੈਚ ਨਿਰਪੱਖ ਮੈਦਾਨ ਦੇ ਤੌਰ ‘ਤੇ ਭਾਰਤ (ਦਿੱਲੀ) ਵਿੱਚ ਖੇਡੇ ਜਾਣਗੇ।
ਖਾਸ ਗੱਲ ਇਹ ਹੈ ਕਿ ਤਿੰਨੋਂ ਮੈਚ ਭਾਰਤ ਵਿੱਚ ਹੋਣ ਦੇ ਬਾਵਜੂਦ ਅਫਗਾਨਿਸਤਾਨ ਇਸ ਸੀਰੀਜ਼ (Series) ਦਾ ਮੇਜ਼ਬਾਨ ਹੋਵੇਗਾ। ਅਫਗਾਨਿਸਤਾਨ ਵੱਲੋਂ ਆਪਣੇ ਘਰੇਲੂ ਮੈਚ ਦੇਸ਼ ਤੋਂ ਬਾਹਰ ਕਰਵਾਉਣ ਦੀ ਪ੍ਰਥਾ ਤਹਿਤ ਭਾਰਤ ਇੱਕ ਮਹੱਤਵਪੂਰਨ ਮੇਜ਼ਬਾਨ ਸਥਾਨ ਬਣਿਆ ਹੋਇਆ ਹੈ। ਇਹ ਸੀਰੀਜ਼ ਅਫਗਾਨਿਸਤਾਨ (Series Afghanistan) ਲਈ ਖਾਸ ਮਹੱਤਵ ਰੱਖਦੀ ਹੈ, ਕਿਉਂਕਿ ਟੀਮ ਨੂੰ ਵਿਸ਼ਵ ਕ੍ਰਿਕਟ (World Cricket) ਦੀਆਂ ਮਜ਼ਬੂਤ ਟੀਮਾਂ ਵਿੱਚੋਂ ਇੱਕ ਭਾਰਤ ਖ਼ਿਲਾਫ਼ ਆਪਣੀ ਸਮਰੱਥਾ ਪਰਖਣ ਦਾ ਮੌਕਾ ਮਿਲੇਗਾ।
ਮੈਚਾਂ ਦਾ ਸ਼ੈਡਿਊਲ:
| ਮੈਚ | ਮਿਤੀ | ਦਿਨ | ਸਟੇਡੀਅਮ / ਸਥਾਨ | ਸਮਾਂ |
| ਪਹਿਲਾ T20I | 13 ਸਤੰਬਰ 2026 | ਐਤਵਾਰ | ਅਰੁਣ ਜੇਤਲੀ ਸਟੇਡੀਅਮ, ਦਿੱਲੀ | ਸ਼ਾਮ 7:00 ਵਜੇ |
| ਦੂਜਾ T20I | 15 ਸਤੰਬਰ 2026 | ਮੰਗਲਵਾਰ | ਅਰੁਣ ਜੇਤਲੀ ਸਟੇਡੀਅਮ, ਦਿੱਲੀ | ਸ਼ਾਮ 7:00 ਵਜੇ |
| ਤੀਜਾ T20I | 17 ਸਤੰਬਰ 2026 | ਵੀਰਵਾਰ | ਅਰੁਣ ਜੇਤਲੀ ਸਟੇਡੀਅਮ, ਦਿੱਲੀ | ਸ਼ਾਮ 7:00 ਵਜੇ |
ਮੁੱਖ ਖਾਸ ਗੱਲਾਂ:
-
ਏਸ਼ੀਆਈ ਖੇਡਾਂ ਦੀ ਤਿਆਰੀ: ਇਹ ਸੀਰੀਜ਼ ਸਤੰਬਰ ਦੇ ਅਖੀਰ ਵਿੱਚ ਜਪਾਨ ਵਿੱਚ ਹੋਣ ਵਾਲੀਆਂ ਏਸ਼ੀਅਨ ਗੇਮਜ਼ (Asian Games 2026) ਤੋਂ ਠੀਕ ਪਹਿਲਾਂ ਖੇਡੀ ਜਾ ਰਹੀ ਹੈ, ਜਿਸ ਨਾਲ ਦੋਵਾਂ ਟੀਮਾਂ ਨੂੰ ਤਿਆਰੀ ਦਾ ਚੰਗਾ ਮੌਕਾ ਮਿਲੇਗਾ।
-
ਸਾਰਾ ਸ਼ੈਡਿਊਲ ਇੱਕੋ ਮੈਦਾਨ ‘ਤੇ: ਤਿੰਨੇ ਮੈਚ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡੀਅਮ ਵਿੱਚ ਹੀ ਆਯੋਜਿਤ ਕੀਤੇ ਜਾਣਗੇ।
