ਯੂਨਾਈਟਿਡ ਫੋਰਮ ਆਫ਼ ਬੈਂਕ ਯੂਨੀਅਨਜ਼ (UFBU) ਵੱਲੋਂ 28, 29 ਅਤੇ 30 ਸਤੰਬਰ ਨੂੰ ਦੇਸ਼ ਭਰ ਵਿੱਚ 3 ਦਿਨਾਂ ਦੀ ਹੜਤਾਲ ਦਾ ਸੱਦਾ ਦਿੱਤਾ ਗਿਆ ਹੈ। ਸ਼ਨੀਵਾਰ (26 ਸਤੰਬਰ – ਚੌਥਾ ਸ਼ਨੀਵਾਰ) ਅਤੇ ਐਤਵਾਰ (27 ਸਤੰਬਰ) ਦੀਆਂ ਛੁੱਟੀਆਂ ਤੋਂ ਬਾਅਦ ਇਹ ਹੜਤਾਲ ਸ਼ੁਰੂ ਹੋਣ ਕਰਕੇ ਬੈਂਕਾਂ ਦਾ ਕੰਮਕਾਜ ਲਗਾਤਾਰ 5 ਦਿਨਾਂ ਲਈ ਪ੍ਰਭਾਵਿਤ ਹੋ ਸਕਦਾ ਹੈ।ਹੜਤਾਲ ਨੂੰ ਲੈ ਕੇ ਬੈਂਕ ਯੂਨੀਅਨਾਂ ਅਤੇ ਸਰਕਾਰ ਵਿਚਕਾਰ ਗੱਲਬਾਤ ਦਾ ਦੌਰ ਜਾਰੀ ਹੈ, ਪਰ ਪੰਜ ਦਿਨਾਂ ਬੈਂਕਿੰਗ ਹਫ਼ਤੇ ਸਮੇਤ ਹੋਰ ਮੰਗਾਂ ‘ਤੇ ਅਜੇ ਸਹਿਮਤੀ ਨਹੀਂ ਬਣ ਸਕੀ ਹੈ। ਅਜਿਹੇ ‘ਚ ਬੈਂਕ ਯੂਨੀਅਨਾਂ ਨੇ 28 ਤੋਂ 30 ਸਤੰਬਰ ਤੱਕ ਪ੍ਰਸਤਾਵਿਤ ਹੜਤਾਲ ਨੂੰ ਜਾਰੀ ਰੱਖਣ ਦਾ ਫ਼ੈਸਲਾ ਕੀਤਾ ਹੈ। ਹੜਤਾਲ ਦੇਸ਼ ਵਿਆਪੀ ਹੋਣ ਕਾਰਨ ਇਸ ਦਾ ਅਸਰ ਸਰਕਾਰੀ ਬੈਂਕਾਂ ਦੀਆਂ ਸ਼ਾਖਾਵਾਂ ‘ਚ ਬੈਂਕਿੰਗ ਸੇਵਾਵਾਂ ‘ਤੇ ਪੈਣ ਦੀ ਸੰਭਾਵਨਾ ਹੈ।
ਨਾਗਰਿਕਾਂ ਲਈ ਜ਼ਰੂਰੀ ਜਾਣਕਾਰੀ:
-
ਸ਼ਾਖਾ ਦੇ ਕੰਮਕਾਜ: ਨਕਦ ਜਮ੍ਹਾਂ/ਨਿਕਾਸੀ, ਚੈੱਕ ਕਲੀਅਰੈਂਸ, ਡਰਾਫਟ ਅਤੇ ਹੋਰ ਜ਼ਰੂਰੀ ਕੰਮ ਸ਼ੁੱਕਰਵਾਰ (25 ਸਤੰਬਰ) ਤੱਕ ਹੀ ਨਿਪਟਾ ਲਵੋ।
-
ਡਿਜੀਟਲ ਸੇਵਾਵਾਂ: UPI, ਏ.ਟੀ.ਐੱਮ. (ATM), ਨੈੱਟ ਬੈਂਕਿੰਗ ਅਤੇ ਮੋਬਾਈਲ ਐਪ ਸੇਵਾਵਾਂ ਚੱਲਦੀਆਂ ਰਹਿਣਗੀਆਂ।
-
ਮੁੱਖ ਮੰਗ: ਬੈਂਕ ਕਰਮਚਾਰੀ ਹਫ਼ਤੇ ਵਿੱਚ 5 ਦਿਨਾਂ ਦੇ ਕੰਮਕਾਜ (5-day work week) ਦੀ ਮੰਗ ਨੂੰ ਲੈ ਕੇ ਪ੍ਰਦਰਸ਼ਨ ਕਰ ਰਹੇ ਹਨ।
