ਰੂਸ ਨੇ ਐਤਵਾਰ ਨੂੰ ਯੂਕਰੇਨ ਵਿਰੁੱਧ ਆਪਣਾ ਸਭ ਤੋਂ ਵੱਡਾ ਹਵਾਈ ਹਮਲਾ ਕੀਤਾ

ਰੂਸ ਨੇ ਐਤਵਾਰ ਨੂੰ ਯੂਕਰੇਨ ਵਿਰੁੱਧ ਆਪਣਾ ਸਭ ਤੋਂ ਵੱਡਾ ਹਵਾਈ ਹਮਲਾ ਕੀਤਾ। ਇਹ ਹਮਲਾ 12 ਘੰਟਿਆਂ ਤੋਂ ਵੱਧ ਸਮੇਂ ਤੱਕ ਚੱਲਿਆ, ਜਿਸ ਵਿੱਚ ਲਗਭਗ 500 ਡਰੋਨ ਅਤੇ 40 ਮਿਜ਼ਾਈਲਾਂ ਸੁੱਟਿਆ, ਜਿਸ ਵਿੱਚ ਘਾਤਕ ਹਾਈਪਰਸੋਨਿਕ ਕਿਨਜ਼ਲ ਮਿਜ਼ਾਈਲ (Hypersonic Kinzhal Missile) ਵੀ ਸ਼ਾਮਲ ਸੀ। ਚਾਰ ਲੋਕ ਮਾਰੇ ਗਏ ਅਤੇ 40 ਤੋਂ ਵੱਧ ਜ਼ਖਮੀ ਹੋ ਗਏ।

ਯੂਕਰੇਨ (Ukraine) ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਂਸਕੀ (President Volodymyr Zelensky) ਨੇ ਇਸ ਨੂੰ ਆਮ ਸ਼ਹਿਰਾਂ ਵਿਰੁੱਧ ਜਾਣਬੁੱਝ ਕੇ ਕੀਤੀ ਗਈ ਦਹਿਸ਼ਤੀ ਕਾਰਵਾਈ ਦੱਸਿਆ। ਰਾਜਧਾਨੀ ਕੀਵ ਅਤੇ ਇਸ ਦੇ ਆਲੇ-ਦੁਆਲੇ ਦੇ ਖੇਤਰ ਮੁੱਖ ਨਿਸ਼ਾਨਾ ਤੇ ਰਹੇ।

ਓਡੇਸਾ, ਜ਼ਾਪੋਰਿਝਜ਼ੀਆ, ਸੁਮੀ, ਮਾਈਕੋਲਾਈਵ, ਚੇਰਨੀਹਿਵ ਅਤੇ ਖਮੇਲਨੀਤਸਕੀ ਵਰਗੇ ਸ਼ਹਿਰਾਂ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ ਸੀ। ਕੀਵ ਵਿੱਚ, ਕਾਰਡੀਓਲੋਜੀ ਇੰਸਟੀਚਿਊਟ (Cardiology Institute) ਦੀ ਇਮਾਰਤ ਨੂੰ ਸਿੱਧਾ ਨਿਸ਼ਾਨਾ ਬਣਾਇਆ ਗਿਆ, ਜਿਸ ਵਿੱਚ ਚਾਰ ਲੋਕ ਮਾਰੇ ਗਏ, ਜਿਨ੍ਹਾਂ ਵਿੱਚ ਇੱਕ 12 ਸਾਲ ਦੀ ਕੁੜੀ ਵੀ ਸ਼ਾਮਲ ਸੀ।